Niemohls Verstonn Video (MV)

Er wonnt ahm Stadtrand, vier Zemmer, Bad, Balkon
Trick sich leger ahn, Miehstens Ton en Ton
Un er fährt bleifrei, dä Huusmüll weed sortiert
Wählt liberal un er weiß, wat sich jehührt

Er weiß, wo't langjeht, hätt Perspektive
'Ne Typ wie er weet nie die kleinste Chance versiebe
Ess joot versichert, hätt sing Rente jeklääv
Sick Johr un Daach für sing Karriere jelääv
Litt miehstens wach, wenn sie deit als ob se schlööf

Un er weed niemohls verstonn
Nä, dä weed niemohls verstonn
Nä, dä weed niemohls kapiere
Wenn sie't ihm säät, dann ess alles zo spät

Met sibbzehn wohr'e für sie Steve Mc-Queen
Dä's jraad em Fernsehn , deshalv fällt ihr dat enn
Se luhrt'en ahn un fröht sich, wat'e jraad denk
Dat sie'n noch nie met ir'ndner Kritik jekränk

Er's immer pünklich, besteht op Ordnung
Un op'e Fröhstöck met ner unberührte Zeidung
Hätt sich en all dä Johre niemohls verdonn,
Ahn singer Sick, hätt mer'ne Platz ahn der Sonn
Er ess dä Inbegriff vum Traumschwiejersonn

Un er weed niemohls verstonn
Nä, dä weed niemohls verstonn
Nä, dä weed niemohls kapiere
Wenn sie't ihm säät, dann ess alles zo spät