Zehndausnd Dog Video (MV)

I woass nimma wo e ofanga soi
Und irgendwia hea I nia aaf
Es geht nur no dahie
Es war lang nimma staad

A jeda wui wos anders vo mia
Liaba gestern als moang
Olle sans so wichtig
Dawei sans olle ganz kloa


Und a jeda eaklead ma,
Wia de Waid heid laffd,
Hamm vo da Waid ned vui gseng
Und a saiba nix gschafft

I wui des ois nimma hean
I wui des ois nimma seng
Es gab fia olle gnua
Und doch ham zuvui zweng


Hä
I muass weida, weg vo do.
I muass zruck, dohie, wos scheena war
Wo e eigentlich heakimm, wo e s'geh gleant hob
Es ist scho so lang her, boid 10000 Dog


Do hods a Zeit gemm,
Wo d´Sun gscheint hod
Und koana hod Angst ghobd
Voa de nächsten Joa.

Und wenn oana wos gsogd hod
Dann hod ma´s eam glaubt
Wei ma hod se kennt
Und no in d'Aung gschaut


Hä
I muass weida, weg vo do.
I muass zruck, dohie, wos scheena war
Wo e eigentlich heakimm, wo e geh gleant hob
Es ist scho so lang her, boid 10000 Dog