Andrea Bocelli - A Marechiare Lyrics

Quanno sponta la luna a Marechiare
pure li pisce nce fanno a ll'ammore,
se revotano ll'onne de lu mare,
pè la prezza cagnano culore
quanno sponta la luna a Marechiare.

A Marechiare ce sta na fenesta,

la passione mia ce tuzzulea,
nu garofano adora int'a na testa,
A Marechiare ce sta na fenesta.
A Marechiare, a Marechiare ce sta na fenesta.

Chi dice ca li stelle sò lucente
nun sape st'uocchie ca tu tiene nfronte!
Sti ddoje stelle li ssaccio ì sulamente,
dint'a lu core ne tengo li pponte.
Chi dice ca li stelle sò lucente?

Scetate, Carulì, ca ll'aria è doce;
quanno maje tanto tempo aggio spettato?!
P'accumpagnà li suone cu la voce
stasera na chitarra aggio purtato.
Scetate, Carulì, ca ll'aria è doce!
Scetate, scetate, Carulì, ca ll'aria è doce!