Aikumar - The One About Rama, Sages and Surphanaka Lyrics

गते तु भरते श्रीमान् सत्यसन्धो जितेन्द्रिय:
रामस्तु पुनरालक्ष्य नागरस्य जनस्य च
तत्रागमनमेकाग्रो दण्डकान्प्रविवेश ह
प्रविश्य तु महारण्यं रामो राजीवलोचनः

विराधं राक्षसं हत्वा शरभङ्गं ददर्श ह
सुतीक्ष्णं चाप्यगस्त्यं च अगस्त्यभ्रातरं तथा
अगस्त्यवचनाच्चैव जग्राहैन्द्रं शरासनम्
खड्गं च परमप्रीतस्तूणी चाक्षयसायकौ

वसतस्तस्य रामस्य वने वनचरैस्सह
ऋषयोऽभ्यागमन्सर्वे वधायासुररक्षसाम्
स तेषां प्रतिशुश्राव राक्षसानां तथा वने
प्रतिज्ञातश्च रामेण वधस्संयति रक्षसाम्

ऋषीणामग्निकल्पानां दण्डकारण्यवासिनाम्
तेन तत्रैव वसता जनस्थाननिवासिनी
विरूपिता शूर्पणखा राक्षसी कामरूपिणी
ततश्शूर्पणखावाक्यादुद्युक्तान्सर्वराक्षसान्

खरं त्रिशिरसं चैव दूषणं चैव राक्षसम्
निजघान वने रामस्तेषां चैव पदानुगान्
वने तस्मिन्निवसता जनस्थाननिवासिनाम्
रक्षसां निहतान्यासन्सहस्राणि चतुर्दश
रक्षसां निहतान्यासन्सहस्राणि चतुर्दश
रक्षसां निहतान्यासन्सहस्राणि चतुर्दश
रक्षसां निहतान्यासन्सहस्राणि चतुर्दश