[ Featuring Sherif Mostafa ]
ممكن تشوف الليل ضلمه و غيوم
ممكن تشوف نفس الليل قمر وسكون ونجوم
ممكن تحزن معاه وتفكر في امبارح
وممكن تحلم لبكره وتفضل فيه سارح
ممكن قلبك من الخضه تلقاه بيضق
ويضق برضه جامد في ساعه حب
ممكن عينك تشوف الخوف وتخاف تجرب
وممكن الخوف يشوفها ويخاف منك يقرب
ممكن كده و ممكن كده
مفيش في الدنيا حاجه متحدده
ممكن تضلم و ممكن تنور
خلي عينيك حلوه وانت بتصور
ممكن تشوف الشمس حاميه وقويه
وممكن تشوفها بحر و هواه حريه
ممكن تفضل في الضل خايف مستخبي
وممكن في وش الموج تجري وتعدي
ده الفرق بين الالم و الامل حرف
و بين الهزيمه و العزيمه برضه حرف
ممكن تفضل عايش خايف واقف عالحرف
وممكن تعدي وتلقي بدل الحلم الف
ممكن كده و ممكن كده
مفيش في الدنيا حاجه متحدده
ممكن تضلم و ممكن تنور
خلي عينيك حلوه وانت بتصور
