Hogaya Kaabay Mein Roshan (Farzad Moosvi) Video (MV)

Hogaya kaabay mein roshan noor e haider hogaya
Budkada hota tha joh, allah ka ghar hogaya

Ghar ka malik agaya kaaba khushi say khill utha
Muskaraya iss qadar deewar may dar hogaya

Mudato(n) say joh buto(n) ki zulmato(n) mein tha ghira
Noor e yazda(n) dekh kar kaaba munawar hogaya

Nafs kay badlay khuda nay apni marzi baich dee
Istarhan hijrat ki shab souda barabar hogaya

Uss mujusaam phool ko samjhay gi dunya kia bhala
Iski khushboo paye jisnay woh qalandar hogaya

Malik e kosar ka beta aaj bhi maujood hai
Aur abtar kehnay waala khud hee abtar hogaya

Soorma lay kar alam jatay rahay atay rahay
Aamad e haider hoi aur fatha khaibar hogaya

Aagaya mola mera mushkil khushayi kay leay
Uskay ajanay say har ek maarka sir hogaya

Majlis e shabbir main tapka joh ankho(n) say meri
Ashk woh rutbay mein kosar kay barabar hogaya

Daagh e matam ki zia pheli joh meri qabr main
Ek charaghaa(n) saa meri marqad kay andar hogaya