Centro Studi Artistici - Sugnu Sicilianu E Mi Nni Vantu Lyrics

Sugnu sicilianu e mi nni vantu
Sugnu sicilianu e mi nni vantu
Sugnu sicilianu e mi nni vantu

Sugnu sicilianu e mi nni vantu
Picchì tu vo' sapiri? Ascuta ca tu cantu
A mia mi scurri sangu dintra i vini
Di antichi genti sperti, nobili e fini

Elimi, Sicani e Siculi 'ngigniusi
Crisciuti 'nta sta terra di beni ginirusi
Fenici e Greci vinniru iddi forti l'abbracciaru
Quannu sbagghiaru di cummattiri poi non si scantaru

Duceziu lu so populu esaltava
Sintennulu u tirannu già li jammi ci trimava
E quannu iddu murìu supra a sò terra
Ridìa taliannu 'ncielu picchì ormai a Sicilia c'era

A lu 200 avanti cristu li romani arrivaru
Cu l' esercito putenti Siracusa assediaru
Ma Archimede, u Geniu! Ccu l'armi ca 'nvintava
Fici chianciri Marcellu di quant'avi ca piniava

Cu li Normanni 'nveci 'ncapo o munnu arruvamu
E ca nostra scola 'nvitamu l'italianu
Cu Ruggeru u Parlamentu fu lu primu di lu munnu
Cu Federico Stupor Mundi fu 'nperiudu co Giummu
C: Li francisi Angioini lu poteri si pigghiaru
E facennu spacca e lassa i nostri fimmini tuccaru
Quannu fu u mumentu di lu vespru sicilianu
A pirati dicennu ciciri o campusantu li mannamu

Cunsignamu la corona
A la famigghia d'Aragona
I dui aquili di Svevia chi banni russi e gialli
Ficiru lu stemma di lu Regnu di tri valli
E Federico dittu terzu, cu lu novu Parlamentu
Stabiliu lu primatu quasi a lu millietriccentu
Di lu novu regnu modernu primu o munnu costituzionali
Ma sempri c'era u mali
E fra re e vicerè guerri persi e guerri vinti
Li siciliani s'addifinneru ccu lu sangu e ccu li denti
Ma Ferdinandu lu Borboni scelleratu
Cumminau li dui sicilie e lu regnu fu ammazzatu
Garibardi parsi u salvaturi
Ma ccu Crispi tradituri
E i Savoia apprufittaturi
'Nveci i fari la Sicilia ficiru l'Italia
Lu populu scuntentu mai s'ha datu paci
Lu sicilianu forti e fieru a cummattutu audaci
E prima o poi 'nto cori speru
Ca turnamu e tempi di Ruggeru auh

Longa è la storia ca vi cuntu e vi cantu
D'omini gloriosi 'nta na terra ca è n'incantu
Sta a nuatri difinnilla essennu omini di vantu
Perciò v'arraccumannu ama fari tantu
P'essiri degni di sta terra ca ni duna tuttu

Diu ni desi
L'Etna U vulcanu attivo chiù autu d'Europa
I Munti Peloritani, i Madonii, i Nebrodi, i Munti Erei, i Munti Iblei, i Munti Sicani
I spiaggi chiù belli e varii cu 'nmari sapuritu
I Gole i l'Alcantara
I faragghiuni d'a Trizza
A Scala di Turchi
Isole Eolie, Egadi, Isole d'o Stagnuni, Isole Pelagie
I nostri avi ni lassaru
A Valle dei templi di Agrigento
Segesta
Selinunte
Siracusa: ccu teatro greco, u tempio di Apollo, a Fonte Aretusea
A funtana di Diana, l'Orecchio di Dionisio
Palermo: palazzo dei Normanni, a Cappella Palatina, u teatro Massimo
I catacombe, i 4 canti, u Duomo di Monreale
Catania: Piazza D'uomo, a cattedrale di Sant'Aita, u tiatru romano
U Castello Ursino, i benedettini, u Teatro Massimo Vincenzo Bellini
Taormina
Erice
I mosaici i Piazza Armerina
U Santuario d'a Madonna Niura di Tindari
U Barocco siciliano di Noto, di Ragusa, di Catania, di Acireale
U castello di Donnafugata
A Scalinata i Caltagirone
A canzuni finiu ma i cosi no