Boore Lul de Video (MV)

Ik bin ni perfect, ik heb zoë mien kuure
Heb ik enne slechten daag, hedde hiël wat te verduure
Ge mót meej ni vertelle, hoe dat ik mót laeve
Dât ik nâ de kerk mót goan, en woa ik um mót gaeve

Ik drink soms teveul, dâ wiët ik nimmer wat ik zeg
Da kwats ik ieder vrômmes a, ge kriegt meej nimmer weg
Door miene groëte moel zeg ik aaltiëd net teveul
Mót ik renne vur mien laeve en bin ik wer de lul

Wowowohoooo, dit bin ik!
Toen ik óp kamers zoat, woj ik aaltiëd gaer nâ hoës
Hôrs is ma en booregat ma ik veul der meej thoës
Toch denk ik druk genog, ik mót in Hôrs ni blieve plekke
Ik môt aalles achterloate, dat diej knammels ma verekke

Vur niks en niemus tiêd, mien bendje is mien laeve
Aaltiëd mót ik ma wer neme en kan ik noeijt es gaeve
En al wil ik wer studere, ut kumt der toch ni vaan
Ik krieg al herpes as ik denk aan en vaste baan

Booredurp, booretaal, boorelul!
Dat is woa ik woën, wat ik proat, en hoe ik meej veul

Ze lache um mien kapsel "Makt de kapper dat nag af"?
Dud dae ringk es oet de naas en was diej tattoe der es af
Ik lach en bitje mej en denk: 'Mins val kepot!'
Owwe stroont is ni van gold, kiek ma in de pot

Geej zult meej mótte neme zoë zoë als ik bin
Ik wil meejzelleuf ni verandere, doa kumt niks van in
Wat ge zid is wat ge kriegt, en dat, dat bin ik
Wandel mienen eige waeg tot den dag dat ik stik