World a Run Video (MV)

Yow Yow Yow
Cah mi deevn too in a di long talking enuh
Yow Yow Yow Yow Yow

Oh God, weh di world a come to (yow yow)
Sometimes mi feel like mi waah run away
But di world a run to (yeah the world a run too)
All if mi try turn to Christ a next voice say fi turn to gun to (turn to di gun now)
Nobody nuh deh yah fi save yuh
Yow a only di hearse a hunt yuh (yeah di hearse a hunt yuh, yea di hearse a hunt yuh)

Yow
Bredda nuh feel seh di street easy nuh peace treaty
Di G see police Jeep quick him will beat it
Police see di G kick kick him up beat him
And thieving MP a sleep in the meeting
Juvenile just 15 and yuh see him wid a 16
Big people a do di screening
Teen christine pon a screen in a G-string
Pastors a prey pon dat
F*ck a preaching
Nuh have a problem wid LGB ting (No)
But if yuh bring it a di school weh yuh teaching (yuh mad)
Dat a di last day fi mi kids reaching (of course)
Dwayne Wade waah some bloodclaat beating
Cry fi kids inna di street wid di sweatie
Mi leave even a $50 if mi nuh need it
6 pickney a 6 Gs she see weekly
When she start sell pussy dont thief it
Government we nuh believe in yuh thesis
Please if yuh see this leave the offices
Cause unu treating we like a feces
Ntn weh yuh speak will ease di damages
Wull on
Give back to wi beaches
Unu sell every blo...... expletives
Dis a fi wi Jamaica yea we need it
Mi want a piece a da place yah weh me live
People a fi we responsibilities
Yea we greedy, we reach fi di free-ness
But if we waah betta place fi we kids live
Point out the rapists and thief is
If yuh cyaah manage woman leave it
Stop send eggplants to the peaches
Parents stop sell of the kids
A we a kill off we own species

God weh di world a come to (weh di world a come to)
Sometimes mi feel like mi waah run away
But di world a run to. (yeah the world a run too)
All if mi try turn to Christ a next voice say fi turn to gun to (turn to di gun now)
Nobody nuh deh yah fi save yuh
Yow a only di hearse a hunt yuh (yeah di hearse a hunt yuh, yeah di hearse a hunt yuh)

Yea Yea Yea Yea
World yah gone
Drop asleep inna di night yuh nuh sure if yaah wake inna di early morn
Wonder weh di world yah gone