Doxa II - Eben-Ezer Lyrics

Si m' ta pran tan pou m' eksplike kilès Bondje ye
Menm si m' ta pale pou tout vi mwen sa poko anyen
Men kanmenm map di kèk bagay ki ka soulaje n' nan tray
Bondje pa bliye n' menm lè nap pase pay

Pou kantite pwoblèm chak jou nou sibi
Nou pase anpil kalite peripesi
Men gras li toujou sifi
Pou ede nou lè nap soufri
Se gras sa ki fè jiskaprezan nou an vi

Mizè, touni, lafen
Li pa janm kite nou bay legen
Se pa paske n' fè sak byen
Okontrè nou peche kotidyen

Ann fè yon fon ti retou nan paj istwa
Na wè si nap viv toujou se gras li k' fè nou la

2 novanm 2000 anpil mezon Okap sinistre
Mwen kwè te menm gen moun ki pati pou letènite
Malgre tout sa ki te rive
Letènèl ret toujou kanpe
Aprè kèlke ane Gonayiv choke an antye

Avèk yon tèrib siklòn
Ki pat gen ni limit ni bòn
Ki vini sou non siklòn Jàn
Li mete moun an pàn
Malgre tout sa Bondje pa janm lage n' yon pa

Letènèl la
Jiskaprezan se li k' pote n' sekou
Letènèl la
Li kondane pou l' la avè n' chak jou
Letènèl la
Se li ki toujou la pou pran swen nou
Letènèl la
Nan mitan gwo danje li la avèk nou

Ou ou ou ou
A a a
Ou ou ou ou

Pou m' di evènman k' te pi tris
Se te 12 janvye 2010
Peyi nou te enskri nan lòt lis
Se te dlo nan je sou tout teritwa Dayiti
E sa te fè enpak negatif menm nan lòt peyi

O o o o o o o

Alò gen kèk kesyon m' tande kap poze
Pouki Bondje kite tout moun sa yo ale A a a
Mwen wè kesyon sa yo mal fòmile

Olye n' mande poukisa tout moun sa yo ale
Nou ta dwe mande kòman tout fè pa dispèse
A a a
Paske se tout moun ki peche
A a

Pap pe ya
Pap pe ya a
Men sa se yon favè li ye
Pap pe ya
Pap pe ya a
Yon gras nou pa merite
Pap pe ya
Pap pe ya a
Bondje pa mande n' peye
Pap pe ya
Pap pe ya a
Paske sa pa gen pri
Pap pe ya
Pap pe ya a
Sèl sa nou sipoze kwè nan li
Pap pe ya
Pap pe ya a
Obeyi li jouk lavi n' fini
Pap pe ya
Pap pe ya a
E nou va kontinye rejwi
Pap pe ya
Pap pe ya a
Lè nou rive nan syèl la alenfini
Pap pe ya