Guruga Omega - Viva la Vida Lyrics

迫喺車箱 有陣我懷念嘅香水味
令我諗起 我同你嘅距離
緊張嘅心情 心跳唔穩定
想擰轉頭會有機會見到你嘅身影

感覺好神奇 荷爾蒙分泌
喺身上 呢種能量 都因為你引起
夢幻嘅意境 冇人來見證
And I hate this feeling 而你一早知情

一首歌 一個音 一個深刻嘅moment
九半一句早晨 最想身邊周圍冇人
但我仲未識做人 討厭自己無能
顧住修養道行 最後就變左路人

但我知 你唔會有乜意外 自Year 1以來
你已經潔身自愛 所以我 置身事外
諗住唔去追求你反 而更自在
等我有啲成就先 至敢示愛

動蕩中的世代 我在後悔當天
沉默至今 沒有講清楚我心意
當世上 仿似再沒有希望時
能夠讓我待在你身邊試問可以嗎

好想一嗚驚人 但我已經冇精神
每晚一到凌晨 就會掛住一位情人
Youtube都冇心去營運 冇心做名人
但我對你仲好認真 見到你仲好興奮

而我開不了口 讓你知道
我清晰唔太思路
過去兩年零兩個月一齊受左咁多煎熬
睇唔見前途 而我唔想比你見到

我一直迫自己 努力到極自悲
有咩事食自己 但痛苦亦是美
今日先知 咩先叫做絕望的滋味
等政治淡返嗰時帶你去迪士尼

錯過最佳時機 唔敢諗返以前
表面上太兒戲 其實藕斷絲連
又唔捨得忘記 淨係不停分析
最怕而家放棄 以後再冇機會珍惜

動蕩中的世代 我在後悔當天
沉默至今 沒有講清楚我心意
當世上 仿似再沒有希望時
能夠讓我待在你身邊試問可以嗎?

深夜時分 令我諗起year 1
跟住太多指引 又撞正花樣年華
但冇談情 嘅心情 同時間
可惜而家 又忙住修身齊家 治國平天下

溫室嘅鮮花 食咗幾粒子彈
身軀變得堅硬 一九年嘅豔夏
發生太多變化 亂世之下 時代鞭策
So viva la vida 我而家 只想見下你

動蕩中的世代 我在後悔當天
沉默至今 沒有講清楚我心意
當世上 仿似再沒有希望時
能夠讓我待在你身邊試問可以嗎?