Intence vs. Tashawn Video (MV)

Yeah
Reason wid meself, you know?
More like Tashawn and Intence ah talk

Dawg, m'ah hear you
Nuh bodda change fi nobody, stay same suh
People a pussy and ah suh di game go
If you neva make it dem wouldn't care, enuh
Then again fam you know ah real talk
Dem d'ven know yuh life dem only see di sweet part
Ah mussi true you get big and change yuh features
Ah like dem fi get ah ground you use to sleep pon
Tence, me just ah gwan wul my own
If me medz it too deep, dem gone home
Yo, you d'even know how me feel, Jah know
If me hungry and n'ave it dem cyaan'an' know

Dawg, just gwan wul it
Memba you ah di stronger version and me nah worry
N'ave time fi jail, dat cost and me n'ave money
Now our life fi sweet like a deal, pack up all money
Dem ah call up we name when we ah do good, dawg, ah drama dis
Feel like fi live ah space cah me cyaan' manage
Me tell you dat fi tell you all ah dis
Mighta see me smile but you nuh know di half ah dis
Oh, me n'affi know di half, ah we ah dweet together dawg
You know know just because you all about di hype and gyal
Ah money pon mi mind, weh mek you think me go suh hard?
Last time you seh suh, yo ah crash you crash we car
Give thanks fi yuh life, memba we coulda dead and gone
You fi be a bigger man and try fi accept when yuh wrong
Accept wah, yuh mad? Me d'even accept certain call
You see weh me ah talk every ting you tek fi laugh

Dawg you haffi laugh more while
Put di anger and di pain and all di memories aside
You zeet, you still ah live yuh life like a child
Nuttn deh yasuh fi laugh, yo me d'even ah smile
Just gwan f*ck some gyal, we nah live ordinary life
Ah some big pussy gyal you really have pon yuh mind
Ah pon mi cocky gyal go, me pass yuh place, enuh bwoy
Suck yuh mumma me nuh tek styling from nuh guy (nuh guy)
You jus' ah tell me lowe di badness now you ah bad me up
It obvious, cah you do a bagga f*ckery and me have you up
Anything me do ah sintin' easy fi polish up
Ah like you wan' go back to di days you use to polish house
Ah dat me know me nah go back to
Ah neva floor alone me polish, all fi mi Glock too
Di hype and di fame ah get to you confused
Just ah hope and pray you nuh mek di wrong move

Yuh mad? Well me memba mummy one room
And mi one shoes, di one black shirt, black jeans, one suit
Couldn't find a plate ah food just fi consume
Board house, zinc fence, outside bathroom
Dawg when you check you know ah we fi live good
Don't feel no way me just wan' you live good
Me try do di right and it nuh seem to be good
Me nah tell nuh lie me see't seh you improve
Dem try paint a picture like me nuh real yute
Di same man weh bill you, yo ah him ah dweet yute
Ah crab inna barrel, lucky thing me nuh like seafood
Just gwan do yuh ting, dawg, nuh bodda drop e pace
You neva graduate and ah you ah run di place
And dem gwan like me nuh great, dem soon catch heartache
Ah dominate the place like COVID 19 di other day

Shhh wul on, wait deh, wait deh
Nobody nuh 'round deh suh?
Ah dis me wan' say to you from di other day
Y'ah drop yuh song dem too early, dawg, just gi' dem some space
Even though yuh hot and me know
Just mek it tek time fi creep up pon dem ears
Dawg, me haffi laugh, dawg
D'even mi head me ah go bodda shake
But watch dis, nuh dawg
If me step back and nah drop nuh song
Like I mean, wul a breathe
Some other artist ah go run up inna mi space
And then it ah go look a way, disgrace
Cah, ah me a Dancehall hot topic right now, di main
And me have Dancehall ah carry pon mi back
And you know that is a head strain

True, true, true, but then again
Yuh hot and me d'even care
And anything you do me see it work, me nuh know how, I swear
Di 'mount ah old people me see ah cheer fi you
More time dem siddung inna dem rocking chair
Ah listen di song deh
Di one, dah same one nuh man, weh you do di other day
I think, I think, I think a "Wounded" it name
Yeah man ah hit song, man, but watch 'ya nuh dawg
We haffi go do dah reason 'ya a different day
Cah see all ah gyal just jump up inna mi DM
Say right now she wan deal wid di ting her way
Sight (sight)