Si Selma (feat. Jason Lily, Ticalacit, Dyotbb & Numanity) Video (MV)

Zafer zafer Ki zafer Zafer zafer frer
Zafer zafer Ki zafer Zafer zafer ser
Zafer zafer Ki zafer Zafer tous leker
Zafer zafer ki zafer Zafer ki zafer

Yeahhhhh
Degaze briye degaze degaze-gaze
Degaze inifie pou lemond an pe Lisifer pe regne pa les twa tante
Lavi kontrole san mem nou kone
Lavi fini ar seki nou manze
Lopital enn pwazon pou to konsome Konekte twa ar seki vre
Pou lavi lor later bien pase

Sele lamitie-la sele-la koumadir
Sa se travay liniver hen koumadir
Grand ledo wi apel mwa titicala
Pa granwar zis enn gran nwar demann mama
Ki zafer fer twa soufer
Soufle mo pou dir twa kisana frekente ki zafer fatigue leker
Mo pou dir twa ki pou konsome
Ki zafer fer twa viv
Ki zafer fer twa ere
Ki zafer fer twa swiv
Ki zafer kav fer twa gele
Ki zafer pe bizin kre
Ki zafer pou rann twa pli for nasion Ki zafer pe bizin zwe
Ki zafer kav fer twa interese nasion
Anset reinkarne Lavwa-la kosmik
Kreol rezenere Laksion ki koz plis
Asir twa nou pou arive tir lenerzi toxik Nou talan ine
Zame amwatie touzour pli

Si selman, sa fer nou get pli divan
Kouma bann seki gran ti koze kan nou ti zanfan
Si selman nou ti zwenn inpe souvan
Donn lapenn partaz letan
Pa zwenn zis dan lanterman
Si selman e si selman!

Pran enn letan onor sa kado vivan
Wi tro souvan nou pe bliye le prezan
Lazwa zanfan nepli flote dan letan
Komie letan nou pou kontign fer sanblan
Vini nou vwayaze zafer pli serie
Vini nou dekole nou anvi chake
Vini fami vini oblize bouze
Parski nou libere kan nou aksepte

Ki sa fer si ouver to panse Medite deklans trwaziem lizie
Konekte to bann sekans kordine
Ki Santiman to reprezante
Fer pase saki bon saki vre
Non Napa les twa inflianse
Reziste kouma to levite
Elev to panse lor 1 tin irize
Lao lev to latet pou nou rasanble
Pa divize reprezant later kot to finn ne!
Rapel twa ek idantifie to lidantite
Moris se to fierte imin ki to ete!

E si selman, sa fer nou get pli divan
Kouma bann seki gran ti koze kan nou ti zanfan
Si selman nou ti zwenn inpe souvan
Donn lapenn partaz letan
Pa zwenn zis dan lanterman
Si selman e si selman!

Si selma nou ti kav met nou fierte de kote ek dir mersi pou seki nou posede
Si nou ti kav paye seki nou dwa ek rises nou talan
Si selma nou ti kav pli rekonesan
Anver liniver
Si nou tir si
Ek nou azir selman