Rotwii Video (MV)

Es gäb tuusig gueti Gründ zum dich verlah
Doch ich bi immer no da
Will du weisch welle Rotwii ich trink

Intressiersch du dich für mich
Will du frögsch nie na wies mir gaht
Tuesch als gäch dich das nüt a
Ich chönnt hülend zämmebräche
Ja es wär so scheissegal
Du tuesch als wär ich eh nöd da

Und du luegsch mich nöd so a
Nöd so wie di andre das machet nei
Und ich lueg dir ständig na
Ich frög mich
Wenn nimmsch du mich endlich mit Hei

Es gäb tuusig gueti Gründ zum dich verlah
Doch ich bi immer no da
Will du weisch welle Rotwii ich trink
Ich chönnt alles das beende
Mir en riise Gfalle mache und ga
Doch du weisch welle Rotwii ich trink
Ich trink nur de wo du mitbringsch

Du meldsch dich eimal all paar Täg
Jedes Mal am Telefon
Hänksch du natürlich immer zersch ab
Säg mer stahn ich dir im Wäg
Mini Auge schriibet Büecher
Doch du kennsch ja nöd mal d'Farb

Wieso luegsch mich nöd so a
Nöd so wie di andre das machet nei
Du lasch mich immer und überall stah
Ich glaub es wird Ziit
Ich sött langsam Hei

Es gäb tuusig gueti Gründ zum dich verlah
Doch ich bi immer no da
Will du weisch welle Rotwii ich trink
Ich chönnt alles das beende
Mir en riise Gfalle mache und ga
Doch du weisch welle Rotwii ich trink
Ich trink nur de wo du mitbringsch

Und jetzt stahsch du plötzlich da
Jetzt wonis endlich gschafft han allei
Und du luegsch mich endlich a
Doch es isch zspaat
Ich bin scho dihei

Es gäb tuusig gueti Gründ z'mich welle ha
Doch du hesch mich la gah
Du weisch nur welle Rotwii ich trink
Ich han alles das beendet
Mir en riise Gfalle gmacht, bi nümm da
Du weisch nümm welle Rotwii ich trink
Du weisch nümm welle Rotwii ich trink
Ich trink nümm de wo du mitbringsch