Joe Barbieri - Lazzari Felici Lyrics

Simmo lazzari felici,
Gente ca nun trova cchiù pace,
Quanno canta se dispiace,
è sempe pronta a se vuttà
Pe nun perdere l'addore.

Simmo lazzari felici,
Male 'e rine ma nun se dice,
Musicante senza permesso 'e ce guardà
E cu 'e spalle sotto 'e casce
Nun se sente cchiù
L'addore 'e mare,
C' 'o Volto Santo 'mpietto
E 'a guerra dint'ê mmane
Sapenno ca e' fernuta.

Si haje 'a ascì
Po fatte 'a croce,
Cammenanno nun può fà pace
Aiza 'a capa e so' tutte 'nciuce
Ca nun se ponno acchiappà,
E c' 'a faccia già scippata
'a chesta musica ca è mariola
Pe dinto ê carusielle,
S'arrobba 'a vita e sona
Sapenno ca è fernuta.

E intanto passa 'stu Noveciento
Passammo nuje s'acconcia 'o tiempo,
Si arape 'o stipo
Saje addó staje
E nun te scurdà maje.

E intanto passa 'stu Noveciento
Cammisa 'a fora
'ncuorpo t' 'o ssiente,
E rieste allerta
Tutt' 'a nuttata
Penzanno a 'ddò sî stato,
Penzanno a 'ddò sî stato.