Ka Lo Tul Lo Video (MV)

Hey Vala, iangtin?
Kha nu thawn na piatawk zo maw si?
Lalasawh!
Aw e, hi. Amah hrang hman hla a um si
Aii, thungai maw?
Si lawn!
Hla tha teh si pei maw?
Hitin

A tha, a tawk thlang
Supawknak in a daih nawn lo thlang
Na thuphan ka ngai khop
Mipa dang hmur cu fawp sal ko hmai hmen
I cam sia sal hmen (Na ek)
Kei mawh a silo
Nang khal na silo?
Na nu a si cu ka zum tuk lem lo
Lo then ding ka ti lawngah na hmur ka tep ngah
A tawk thlang ka ti hrawngah lawng maw na anthlumin i sah
Lamzin dang ka feh zikah lawng
"Ka lo duh. Ka duat, ka lo ngai tuk"
"Tuzaan cu rak leng hmen, ka hur tuk" na ti
Tawk seh tawk seh
Baa e nga e, tu ih sin cu!

Na thu khal ka lung lo
Ka zum lo, ka duh lo
Va feh aw, na duhnak, nuamnak famkimnak ah
(Kei mah te ih um hi a nuam bik ko e)
Ka tul lo, ka duh sawn
Ka kiangah na um lo a nuam sawn
Ka hrangah thinharnak a um lo
Thin nuamnak
(Hitin a si)
Ka lungthin a nuam
Thinharnak an hlo
Ka lungthin sungah
Nang thawn um ding voikhat te hman ka ruat lo

Zohaw, nanglawng a silo
Fala hi leitlunah um hi!
Bobo khuitawk na um hlo?
Hawltlak tla na silo
Hlo ko!
Laizo lamzinah nang hnakih fel an tam tuk
Na mawinak vancung te si hman seh
Na thinlung Setan bangtuk (KIR AW)
Ka lo duhlo ka lo hnawl! (IANG TIN E?)
Ka lo duhlo ka lo hnawl!
Facebook ihsin fala dang cu ka hawl thei ko ih
(IANG TIN NA UM E?)
Ka hlim tuk e (AUU)
Hivek nomnak hlimnak zalennak cu Obama nih hman i pek thei ziklo
Tangka ih lei theilo hlimnak an timi cu
Nang hlon hi a siko ding e
Cu ruangah

Na kiangin ka feh lo
Na duhnak ka tuah lo
Na thu khal ka ngai lo, ka um men
Ka hrangah a nuam si (Na hmel khal ka zoh lo)
Ka tul lo, ka duh sawn
Ka kiangah na um lo a nuam sawn
Ka hrangah thinharnak a um lo
Thin nuamnak
(Hitin a si)
Ka lungthin a nuam
Thinharnak an hlo
Ka lungthin sungah
Nang thawn um ding voikhat te hman ka ruat lo

Hi hla ka sak ruangah i rak hua uh la
Nang thawn um ding... EK
Ka lungthin a nuam
Na liamhnuah cu thinharnak tla a um nawnlo pi
Thinharnak an hlo
Mirangin freedom an timi cu himi hi a siko ding e
Ka lungthin sungah
Nang thawn um ding voikhat te hman ka ruat lo

Aw ee, siko
Neta le amah ka kuat le sal ding ih maw!