Oto Vida Video (MV)

Oto vida oto mundo pám fika novo ar pám rispira
Oto partida oto corida novo meta pám txiga
Tudo kel momento kim passa na vida

Oto kabu pám fika, ar pam respira
Meta pam txiga

Vontade é de vence na vida
Fidjo ko para de brilha
Farto Gloria ka tá txiga
Farto Gloria ka tá txiga

Vida ka muda (Nou nou)
Tinda nu sta nisso ta txora ta suri ta skiva precipício
Pam respira Nta procura novos sítios

Ncre odja nhã mundo, nhã vida
Ta gira na oto ciclo

Ntem nhã razão, vive ku espaço sem liberdade kata fazi sentido

Ku mundo ka ta da pá fika comprometido
Só Lord nsa ta spera pá bu paraíso,

Dexam respira nka podi perde equilíbrio
Dam bu corage alimenta nhã espírito

Mundo ka sta sabe sta amargo
Dento ou fora barco, aviza kes pataco

Má li nu tem laço
Pá ganha Vitoria na Guerra
Resistência e paciência pá tudo nhãs fera

Oto vida oto mundo pám fika novo ar pám rispira
Oto partida oto corida novo meta pám txiga
Tudo kel momento kim passa na vida

Oto kabu pám fika, ar pam respira
Meta pam txiga

Vontade é de vence na vida
Fidjo ko para di brilha
Farto Gloria ka tá txiga
Farto Gloria ka tá txiga

Kanto tempo no tem nu ka odja
Kanto tempo nu tem nu ka fala
Nka Odja bu cara nsa xinte so maguas
Vida é longa, tempo é poko
Nhãs segundos, tudo é sã toma roba

Sim ka agi nta fika sem folgo de sopra
Ntem ki ta rola
Enquanto mundo sã tora

Concentrado na tempo nsabi má vida é loka!

Nunka ka mi ki foi smp mim tenta comporta
Pá mas ki bu fugi problemas ta ba txiga na bu porta!

Nem su ka tenta, preocupasons ki ta prisiona
Na busca pá tudo ncaxa
Mano ko xona

Nu sabi má tempo tá passa
Ku tempo tudo ta funciona
Tudo ta bate certo

É só kestom de tempo pó percebi universo Sem abraça bus medo
E longi de grita credo!

Pami oh boh! mano inda sta cedo

Dificil percebi horas ki baza cedo
Distino dja staba traçado
Ninguém ka pontado dedo

Pá mas firmeza ki existe flam su fica dreto nta risisti

Nsa procura um caminho mas perto
Nka podi desisti

Mesmo na tempo de guerra

Amor nunka ka falta ka dexa di existe
Será ku xinte oh bu ta finge

Mundo ta criou barreras trasabo limite
Dexabo ku alvo difícil di bu atinge

Sossega na vida eh pam odja nhã mama
Longe de regime

Sossego na vida sem nada ki tá oprime
Dispôs di tudo ki dja passa lord Nta flabo ma hoje nsta firme
Ma hoje nsta firme!
Caminho eh pa frente hoje mim ntem ki tá segui

Oto vida oto mundo pám fika novo ar pám rispira
Oto partida oto corida novo meta pám txiga

Tudo kel momento kim passa na vida
Oto kabu pám fika, ar pa respiraaa meta pam txiga

Vontade é de vence na vida (Vontade)
Fidjo ko para di brilha

Farto Gloria ka tá txiga
Farto Gloria ka tá txiga