Orchestra Popolare Campana - Sole e sole Lyrics

Passa 'a notte e spont''o sole
E 'o patrone se cunzola
Ah! Sole e sole
E sole ci voglio sta!

Comme sciala cu 'a paglietta
E mmiez'' ddete 'na sicaretta
Ah! Sole e sole...
E sole ci voglio sta!

Oj patrò s'è fatta ll'ora
Sta frittata cacci''a fore
Ah! Sole e sole
E sole ci voglio sta!

E 'o sole se fa russo
E 'o patrone allonga 'o musso
Pe' isso è corta la jurnata
E pe' nuje secca 'a frittata

'A fatica ca rummane
'A fernimmo 'e fa dimane
Cala 'o sole e se fa notte
E 'o patrone nuoste abbotta

Uh ma all'anema 'e chi t'è muorto
M'e schiattato na vena ncuorpo
Uh ma all'anema r'o pisciaturo
Senza maneca e senza culo

Uh ma all'anema r'o machiavello
Tiene 'e ccorna sotto'o cappiello
Nuje venimme r'o Mazzone
Ih che chiavica 'e padrone

Vavattenne a' lloco 'nfunno
Cì nu chiuovo senza ponta
Chi te cura, chi te penza
Chi t'a rà sta conferenza?

Gira e gira e vogna 'a rota
Ne guagliò vattenne alloca

Chiove chiove e jesce 'o sole
Tutt'e vecchie fanno ammore
Fanno ammore int'o tiano
Tutt'e vecchie ruffiane

Ah! Sole e sole
E sole ci voglio sta!