Phemios Ensemble - Zicula Puru (feat. Mighela Cesari) Lyrics

Zicula puru à u ventu è tramuntana
Sò sola in casa è carmingu la lana
Fattu t'aghju un bel mantellu, ben guarnitu à la suttana
Un ricchissimu vestitu, ricamatu è culuritu
Fà la ninni è fà la nanna: lu to babbu hè à la campagna

In cor d'inguernu, ne sei tù pargulettu
À chì ti vede ti chjama puverettu
Nascisti ind'una capanna, senza focu è senza lettu
Senza pane è senza lettu
Fà la ninni è fà la nanna: lu to babbu hè à la campagna

Cullà ne vogliu quassù per i culletti
Ci sò le muvre, le ronche è li cervetti
Induve pascenu l'agnelli, è saltanu li capretti
Quassù ci hè levre è cunigli: corri puru s'è tù li pigli
Fà la ninni è fà la nanna: lu to babbu hè à la campagna

Sò stata à vede quaiò per a pianella
C'era lu babbu, la mamma è la surella
Ch'ellu si strappi lu collu è sciappassi la cerbella
Fà la ninni è fà la nanna: lu to babbu hè à la campagna
Fà la ninni è fà la nanna: lu to babbu hè à la campagna
Fà la ninni è fà la nanna