Sanket - Arz Lyrics

"Bas ho gayaa ya ladaai aur baaki hai
Zinda hain toh judaai aur baaki hai

Peeth peeche hui toh saame bhi sahi
Uss zaalim ki bewafaai aur baaki hai

Ek baat ke das matlab bhi ho sakte hain
Panna bhar gayaa, siyaahi aur baaki hai

Wo ishq bechta toh main khareed bhi leta
Magar mere hisse ki kamaai aur baaki hai

Kis kis ne dhakela hai mujhe katghare me
Usne kahaa hai ki gawaahi aur baaki hai

Manzil saamne hai, raasta door hai
Ab ek janam ki rasaai aur baaki hai

Likhne ki koshish me baitha hu subah se
Magar raat ki padhaai aur baaki hai

Shayar ban gayaa, bina khwahish ke
Mashoor ho jaaun toh tabaahi aur baaki hai


Jo chaaho wo kahaan milta hai
Magar mil jaaye toh chinta hai

Mera ishq mujhse behtar hai
Tu mera nahi toh phir kiska hai

Tera asar kuch aisa hua mujhpar
Aaine me chehra tujhsa dikhta hai

Ek sawaal hai ke bataao ab kon
Tumhare saath taare ginta hai

Kon karta hai tumhari taareefein
Tumhari shiqayatein kon sunta hai

Iss badan ki maaya bhi ajeeb hai
Jitna baandho utna hi khulta hai

Iss veeraane me Ye khushbu kaisi
Lagta hai wo yahaan se guzra hai

Umr guzar gayi lekin tere baad jaana
Ke sooraj kis tarah ugta hai

Mujhse lad ke zamaane ko badhe wo
Zamaane se lad ke mujhme chhupta hai

Ye huliya, ye gham, ye sher,
Mera kuch nahi, sab uska hai


Mere badan pe usne aaj bhi nakhoon kar diya
Aaine me palat ke dekhoon toh sukoon kar diya

Duniya ki nazron se usko chhupaata rahaa aksar
Ab wo chhup gayi toh sabko maloom kar diya

Meri zaroorat pe wo mere khilaaf ho jaata hai
Uss berehem ka naam maine kanoon kar diya

Badi ajeeb baat hai, koi usey bataao
Dil mein khun hai aur dil ka hi khoon kar diya ?
"