Tamburellisti di Torrepaduli - La Tarantata Lyrics

Se nde mina te botta lu saccune
Lu talaru a nnu pizzu s'à rruccatu
E lla banca se minte a nnu puntune
L'ancu intru lla cammera è purtatu
L'ancu intru lla cammera è purtatu

All'angulu se minte lu casciune
Lu largu te lu mienzu è preparatu
Se spande mienzu casa nnu chesciune
Te intru lla cascia stuccecatu
Te intru lla cascia stuccecatu

Una nfila nnu nzartu intra llu nieddhu
Una nfila nnu nzartu intra llu nieddhu
La soru 'ffaccendata, la soru la cunforta
La soru la cunforta, la tarantata
La tarantata, la tarantata
La soru la cunforta, la tarantata

Trase nu scubbatu e nna cecata
Trase nu scubbatu e nna cecata
Cullu viulinu e cu, cullu viulinu e cu
Cullu viulinu e cullu tamburrieddhu
Lu tamburrieddhu, lu tamburrieddhu
Cullu viulinu e cullu tamburrieddhu

Allu nzartu zzeccata nfannisciandu
E ccu ll'ecchi te fore stralunata
Russa comu papàparu, spumandu
Pesciu te serpe, menza spetturrata
Pesciu te serpe, menza spetturrata

Mpisa cussì allu nzartu e bbae utandu
A nturnu a nturnu tutta scramignata
Li tienti nzerrati e poi schiddhandu
Ca se sente te fore te la strata
Ca se sente te fore te la strata

Stringe lu senu: dopu doi tre ure
Stringe lu senu: dopu doi tre ure
Comu nna morta a nterra, comu nna morta a nterra
Comu nna morta a nterra se ba mmina
Se bba mmina, se bba mmina
Comu nna morta a nterra se ba mmina

E la cecata secuta a sunare
E lu scubbatu secuta a sunare
E lu scubbatu secuta a sunare
E la cecata secuta a sunare
E lu scubbatu secuta, e llu scubbatu secuta
E lu scubbatu secuta a cantare
E cantare e a sunare
E sunare e a cantare
E cantare e a sunare
E sunare e a cantare
E sunare e a cantare
E sunare e a cantare