Ziesjoem - Greuntesop Lyrics

straks um hallef zeve krijg iech veertien maan te ete hei
iech weit neet wat iech koke moot, mèt dit bezeuk bin iech neet blij
wie maak iech get gemekeleks, get sumpels wat ’n eder kin
iech zèt gewoen e mötske op en dink tot iech cas spijkers bin

unne, poor tematte en get paprika, en wörtelkes oet afrika
daan goej iech get weurs debij, met get blökskes sèlderij…en
unne, poor tematte mèt ’t vel nog drop, zoe maak iech greuntesop

mien ama maag neet knawwele, want häör gebeet dat is kepot
mien tant die it gei verkesvleis, zie heet ’n väöls te dikke vot
daan höbste nog tant maria, zie is ’n vegetaria
noe zit d’r nog mer ein dingk op, iech maak die lekker greuntesop

noe gaon iech ech beginne en lègk alles op ’n rij
’t water steit te borrele, noe kin e stök boeljong debij

dit kin haos neet mie mis goon, iech bin zoe verzekerd vaan mien zaak
get peper en get zaajt debij, de sop kump flink op smaak
alle greunte goej iech in de ketel mèt d’n dèksel drop
’n hallef eurke pruttele, dit weurt ’n lekker greuntesop